Fuad Abbasov aeroportdan geri qaytarıldı - Aclıq aksiyasına başladı

Fuad Abbasov aeroportdan geri qaytarıldı - Aclıq aksiyasına başladı
Rusiyada fəaliyyət göstərən jurnalist Fuad Abbasovun Bakıya deportasiyası yubanır.

Bu barədə Musavat.com-a məlumat verən vəkil Elman Paşayev bildirib ki, onda olan məlumata görə Fuad Abbasovu bu dəqiqələrdə hava limanından geri qaytarıblar.

Vəkil bu prosesin səbəbləri barəsində aşağıdakı versiyaları irəli sürüb: "Ola bilər ki, ona cinayət işi açıldığı üçün belə addım atılıb. Bir variant da var ki, Fuad Abbasov hansısa sənədləri unuda bilər. Ancaq bu versiya o qədər də inandırıcı deyil. Çünki əgər sənəd məsələsi olsaydı, bunun üçün başqa bir şəxsi də göndərmək olardı ki, lazımı sənədləri hava limanına gətirsin. Hələ ki, məndə olan məlumat budur ki, onu geri qaytarıblar".

Oxu.az saytı isə məlumat yayıb ki, Fuad Abbasov özünün Moskvada, əcnəbi vətəndaşların müvəqqəti saxlanma mərkəzində saxlanmasına etiraz əlaməti olaraq aclıq aksiyası keçirir.

Sayta bu barədə məlumatı İnsan Hüquqları üzrə Beynəlxalq Komitənin Bakı Ofisinin nümayəndəsi Elçin Axundzadə verib.

Sayt yazır ki, Abbasov hüquq müdafiəçilərinə müraciət edərək bildirib ki, Moskva-Bakı reysi ilə aviabilet alaraq, Azərbaycana qayıtmağı planlaşdırıb. Lakin yolda olarkən onların avtomobili geri qaytarılıb və jurnalist saxlanılıb:

"Fuad Abbasov bildirib ki, əgər onun ölkədən deportasiya olunması barədə qərar qüvvədədirsə, o azad edilməli və Bakıya göndərilməlidir. Əgər deportasiya haqqında qərar qanunsuz elan edilibsə, bu halda onun əcnəbi vətəndaşların müvəqqəti saxlanma mərkəzində saxlanması qanuna ziddir. Bu səbəbə görə də Fuad Abbasov aclıq elan edib".

Xatırladaq ki, jurnalistin ölkədən deportasiya edilməsi ilə bağlı apellyasiya şikayətinə baxılıb. Moskva vilayət Məhkəməsi Ximski şəhər Məhkəməsinin qərarını qüvvədə saxlayıb.

Jurnalist mayın 16-da Moskva vilayətinin Ximki şəhərində saxlanılıb. Ximski Şəhər Məhkəməsi onun Rusiyada yaşamaq haqqında icazəsi ləğv olunmasına baxmayaraq, vaxtında ölkəni tərk etmədiyi üçün deportasiya olunması haqqında qərar çıxarıb. F. Abbasov hazırda Moskva vilayətinin Korolyov şəhərində yerləşən miqrantlar üçün xüsusi saxlanma məntəqəsində saxlanılır.

OXŞAR XƏBƏRLƏR

ABŞ konqresmenlərinin Qarabağ səfərinə sərt reaksiya: “Həmin vertolyotlar vurulsun…”

"Təəssüf ki, Azərbaycanın müdafiə naziri hələ də bu hüququmuzdan istifadə etmək istəmir”. Sfera.az-a açıqlamasında bu sözləri ABŞ Nümayəndələr Pala...

"Övladımın bunu ictimailəşdirməsini istəmirdim..." - Fuad Qəhrəmanlı və xanımı olanlardan danışdı

  "Qızımın o statusu yazmasını məndə istəməmişəm”. Sfera.az xəbər verir ki, Fuad Qəhrəmanlının həyat yoldaşı Zümrüd Yağmur Sevinc Osmanqızının veril...

Deputatın Avropaya qədər uzanan imperiyası – Sayı-hesabı itirilmiş pullar...

  Araşdırmaçı jurnalist Cavanşir Həsənli Azərbaycan parlamentinin oliqarx üzvlərindən biri olan Xanlar Fətiyevin Avropadakı biznesi ilə bağlı maraqlı məlu...

Qorxmaz Əlilidən qaçqınlarla bağlı şok ifadələr: “Söyməyi hamı bacarar”

Üç il bundan əvvəl, öz feysbuk səhifəmdə, yazmışdım ki, "qaçqınlara Bakı lazım idi gəldilər, vəzifə lazımdı aldılar, var-dövlət lazım idi qazandılar, məcburi kö...

Ceyhun Osmanlıya Avropada vəzifə verildi

  Keçmiş millət vəkili, Odlar Yurdu Universitetinin prorektoru Ceyhun Osmanlı vəzifəsindən istefa verib. Sfera.az xəbər verir ki, bu haqda o sosial şəbək...

Tanınmış jurnalistdən BNA-nı ifşa edən sərt ittihamlar

  Tanınmış jurnalist Azər Həsrət avtobus sürücüsünün mədəniyyətsizliyi ilə qarşılaşıb. Belə ki, bu gün günorta saatlarında 29 saylı avtobusla Mətbuat pr...